FLASH
Shkruar nga Pamfleti
Zelensky, ndodhet sot në Berlin për konferencën online, në të cilën udhëheqësit evropianë shpresojnë ta bindin Trumpin të respektojë interesat e Kievit në bisedimet e së premtes.
Ka nisur Samiti online midis Presidentit të SHBA-së Donald Trump, Presidentit ukrainas Volodymyr Zelensky dhe udhëheqësve evropianë. Lajmi u bë i ditur nga presidenca franceze.
Zelensky, mbërriti herët sot në Berlin për tu bërë pjesë e samitit virtual të organizuar nga Merz, ku do të diskutohet për kushtet e një marrëveshje mes Rusisë dhe Ukrainës, me takimin Trump-Putin që pritet të zhvillohet pas dy ditësh. Zelensky, është sot në Berlin për konferencën online, në të cilën udhëheqësit evropianë shpresojnë ta bindin Trumpin të respektojë interesat e Kievit në bisedimet e së premtes.
Fillimisht sot do të zhvillohet takimi online me udhëheqësit evropianë, Trump dhe zëvendëspresidentin e SHBA-së JD Vance.
Rreth gjysmë ore pas kësaj, Franca, Gjermania dhe Mbretëria e Bashkuar do të organizojnë një takim me atë që quhet “Koalicioni i vullnetarëve”.
Nga ana tjetër Rusia i ka konsideruar si të parëndësishme bisedimet e sotme midis udhëheqësve të SHBA-së dhe atyre evropianë përpara samitit të planifikuar midis Donald Trump dhe Vladimir Putin.
“Ne i konsiderojmë konsultimet e kërkuara nga evropianët si veprime politikisht dhe praktikisht të parëndësishme”, tha zëdhënësi i Ministrisë së Jashtme ruse, Alexey Fadeev, në një konferencë për shtyp të mërkurën.
Ai vazhdoi duke akuzuar BE-në për sabotimin e përpjekjeve diplomatike të Uashingtonit dhe Moskës për të zgjidhur krizën në Ukrainë dhe për përpjekjen për të zvarritur procesin e zgjidhjes.
“Retorika e BE-së rreth mbështetjes së supozuar për gjetjen e mënyrave për të arritur një zgjidhje paqësore nuk është gjë tjetër veçse një përpjekje tjetër për të zvarritur procesin e zgjidhjes”, tha Fadeev.
Lini një Përgjigje