FLASH
Shkruar nga PamfletiRevista gjermane Spiegel citoi dje një transkript të një telefonate konfidenciale që tregon se presidenti francez dhe kancelari gjermane kanë shprehur skepticizëm në lidhje me përpjekjet e qeverisë amerikane dhe të dërguarve të saj për të negociuar një paqe midis Ukrainës dhe Rusisë.
Presidenti i Francës, Emmanuel Macron ka mohuar raportet se ka paralajmëruar homologun ukrainas për tradhti nga SHBA-ja.
Presidenti francez ka deklaruar se uniteti midis Evropës dhe SHBA-së ishte çelësi në mbështetjen e Ukrainës, duke shtuar se nuk ka "mosbesim" dhe duke mohuar një raport që ai kishte thënë se kishte një rrezik që Uashingtoni mund të tradhtonte Ukrainën.
"Uniteti midis amerikanëve dhe evropianëve për çështjen ukrainase është thelbësor. Dhe e them vazhdimisht, ne duhet të punojmë së bashku", u tha Macron gazetarëve gjatë një vizite në Kinë, raporton Reuters.
Revista gjermane Spiegel citoi dje një transkript të një telefonate konfidenciale që tregon se presidenti francez dhe kancelari gjermane kanë shprehur skepticizëm në lidhje me përpjekjet e qeverisë amerikane dhe të dërguarve të saj për të negociuar një paqe midis Ukrainës dhe Rusisë.
"Unë mohoj gjithçka", tha Macron, kur u pyet për raportin e Spiegel.
"Ne kemi nevojë për Shtetet e Bashkuara për paqe. Shtetet e Bashkuara kanë nevojë për ne që kjo paqe të jetë e qëndrueshme dhe e fortë.", shtoi ai.
Mediat europiane dje publikuan një bisedë të zbardhur të disa liderve të BE dhe presidentit Ukrainas Volodymyr Zelensky, duke i hedhur “benzinë” zjarrit të ndezur lidhur me raportet me SHBA.
Der Spiegel, si burimi i parë i informacionit ka bërë xhiron e shpejtë ndërkombëtare. Aty flitet për një "conference call", të regjistruar, që duket se ka rënë në duart e gazetarëve.
Lideri i Francës Macron dhe ai i Gjermanisë Merz kanë qenë drastik lidhur me rolin e SHBA në negociatat për paqen duke deklaruar se SHBA mund të tradhtojë Ukrainën dhe duke përmendur edhe rrezikun për presidentin Zelensky.
Deri tani nuk ka ndonjë koment nga shtëpia e Bardhë por edhe liderët vetë, zyrat e tyre të shtypit kanë mohuar që citimet të jenë të plota e të sakta.
Artikulli i plotë "Der Spiegel":
Udhëheqësit evropianë të shteteve dhe qeverive duket se janë thellësisht mosbesues ndaj Shteteve të Bashkuara kur bëhet fjalë për negociatat e paqes midis Rusisë dhe Ukrainës.
Sipas shënimeve të një telefonate konference të siguruara nga DER SPIEGEL, kancelari gjerman Friedrich Merz dhe presidenti francez Emmanuel Macron përdorën fjalë drastike në një bisedë me presidentin ukrainas Volodymyr Zelenskyy dhe disa politikanë të tjerë të lartë evropianë për të paralajmëruar se SHBA-ja mund ta tradhtojë Ukrainën dhe Evropën.
“Ekziston mundësia që SHBA-ja ta tradhtojë Ukrainën në lidhje me territorin, pa qartësi mbi garancitë e sigurisë,” tha Macron, sipas shënimeve në anglisht të telefonatës që ka siguruar DER SPIEGEL.
Sipas tij, për Zelensky “ka një rrezik të madh”. Kërkesat e Rusisë për lëshime territoriale janë një nga pikat më delikate të negociatave.
Sipas shënimeve, Merz ka thënë se Zelenskyy duhet të jetë “shumë i kujdesshëm” ditët në vijim.
“Po luajnë lojëra si me ju, ashtu edhe me ne,” ka thënë Merz, me shumë gjasa duke iu referuar dy negociatorëve amerikanë: Steve Ëitkoff, një magnat i pasurive të paluajtshme, dhe Jared Kushner, dhëndri i presidentit amerikan Donald Trump.
Këto dhe deklarata të tjera të riprodhuara në shënimet e bisedës ilustrojnë mosbesimin e thellë të evropianëve ndaj dy të besuarve të Trump-it.
Ndërsa evropianët kanë lavdëruar vazhdimisht nismën e re të paqes të Uashingtonit, dokumenti tregon se, përveç Merz dhe Macron, edhe pjesëmarrës të tjerë në telefonatë nuk u besojnë të dërguarve amerikanë.
Lini një Përgjigje