FLASH
Shkruar nga Pamfleti
Zyrtarët e Hamasit kanë deklaruar se asnjë nga pengjet izraelite nuk do të lirohet prej tyre pa u arrit një marrëveshje armëpushim!
Duke folur me Al Jazeera, një nga drejtuesit e Hamsit, Osama Hamdan iu përgjigj raporteve të mediave izraelite se Hamasi ishte afër një marrëveshjeje për lirimin e robërve.
Hamdan tha se Hamasi informoi të gjithë ndërmjetësit se prioriteti i tyre është ndalimi i agresionit kundër Gazës njëherë e përgjithmonë. Ai tha se aktualisht nuk flitet për një shkëmbim robërish përpara se të ndalojnë luftimet në Gaza.
Ai shtoi se një lirim i mundshëm i robërve në këmbim të një armëpushimi njëmujor, një detaj që u raportua nga mediat izraelite, nuk është diskutuar.
Hamasi e ka bërë të qartë se nëse arrihet një marrëveshje për lirimin e pengjeve ajo do të jetë për një armëpushim të përhershëm.
Lini një Përgjigje