FLASH
Shkruar nga Pamfleti
Kjo letër fton presidentin rus në dialog, ndërkohë që Zvicra po organizon një konferencë paqeje për Ukrainën
Në një kohë kur Gjykata Ndërkombëtare e Hagës ka lëshuar një urdhër-arrest ndaj presidentit të Rusisë Vladimir Putin për krimet e luftës në Ukrainë, Zvicra ka ftuar presidentin rus në një konferencë paqeje.
Presidentja e Konfederatës Viola Amherd i shkroi një letër presidentit rus Vladimir Putin pas rizgjedhjes së tij në mars, raporton SonntagsBlick.
Nuk është një letër urimi, por një “ftesë për dialog në kohë të vështira”, nënvizon një zëdhënës i Departamentit Federal të Mbrojtjes.
Kjo letër fton presidentin rus në dialog, ndërkohë që Zvicra po organizon një konferencë paqeje për Ukrainën në Bürgenstock (NW) në mes të qershorit. Lista e të ftuarve nuk është krijuar ende. Megjithatë, pritet të ftohen përfaqësues të nivelit të lartë nga rreth 120 vende, duke përfshirë presidentin e SHBA Joe Biden dhe presidentin ukrainas Volodymyr Zelensky.
Në misionin e saj, Presidentja e Konfederatës Viola Amherd shpjegon qëndrimin e Zvicrës, duke bërë thirrje për respektimin e ligjit ndërkombëtar, të drejtave të njeriut dhe parimeve universale të ankoruara në kartën e OKB-së, e cila duhet të jetë busull për kërkimin e paqes dhe prosperitetit.
Përgjigja e Rusisë ndaj ftesës:
Lavrov: Zvicra është një vend armiqësor
Rusia, megjithatë, nuk është e ftuar në Zvicrën qendrore. Një situatë që Vladimir Putin nxitoi ta kritikonte, duke deklaruar se asgjë nuk mund të zgjidhej pa Rusinë.
Të premten, ministri i Jashtëm Sergei Lavrov shkoi edhe më tej, duke e quajtur Zvicrën një «vend armiqësor». Sipas tij, Zvicra ka hequr dorë nga neutraliteti i saj në konfliktin ukrainas dhe për këtë arsye nuk është në gjendje të udhëheqë negociatat e paqes.
Urdhër-arresti për presidentin Putin:
Gjykata Ndërkombëtare e Hagës (ICC) ka lëshuar një urdhër arrest për presidentit rus Vladimir Putin për krimin e luftës.
Gazeta zvicerane Le Canton27.ch ka përkujtuar në fund se Gjykata Ndërkombëtare Penale (ICC) lëshoi një urdhër-arrest më 17 mars të vitit të kaluar kundër presidentit rus Vladimir Putin për krimin e luftës të «deportimit të paligjshëm» të fëmijëve ukrainas. ICC, e cila ndodhet në Hagë, lëshoi një të dytë kundër Maria Lvova-Belova, komisionerja e saj për të drejtat e fëmijëve, për arsye të ngjashme.
Presidenti rus, sikur diaktatori serb Slobodan Miloshviç në vitin 1999 në Kosovë, konsiderohet si përgjegjës për krimin e luftës të dëbimit të paligjshëm të popullsisë dhe transferimit të paligjshëm të popullsisë nga zonat e pushtuara të Ukrainës në Federatën Ruse (…).
Krimet dyshohet se janë kryer në territorin e pushtuar ukrainas nga të paktën 24 shkurt 2022”, tha ICC në një deklaratë, duke shtuar se ka “baza të arsyeshme për të besuar se zoti Putin është personalisht përgjegjës për krimet e lartpërmendura”./Përshtati “Pamfleti” nga “Le Canton27”
Lini një Përgjigje