FLASH
Shkruar nga Pamfleti
Presidenti i SHBA-së, Donald Trump, e la të hapur mundësinë e pjesëmarrjes në bisedimet midis Rusisë dhe Ukrainës të enjten në Turqi.
"Mendoj se mund të ketë një rezultat të mirë nga takimi i së enjtes në Turqi midis Rusisë dhe Ukrainës", tha presidenti amerikan, sipas Reuters.
"Po mendoja të shkoja. Nuk e di se ku do të jem të enjten. Kam shumë takime, por po mendoja të udhëtoja për në Turqi. Ekziston një mundësi, mendoj, nëse besoj se diçka mund të bëhet, por ne duhet ta bëjmë të ndodhë", u tha Trump gazetarëve në Shtëpinë e Bardhë.
Biseda me Xi Jinping
Trump njoftoi gjithashtu një bisedë me Presidentin kinez Xi Jinping "ndoshta në fund të javës", njoftoi Donald Trump në deklaratat nga Shtëpia e Bardhë.
Duke komentuar mbi marrëveshjen e tarifave, ai tha se qeveria e tij kishte arritur një "rivendosje të plotë të marrëdhënieve me Kinën", pas javësh të tëra përshkallëzimi të luftës tregtare.
"Pjesa më e mirë e marrëveshjes" shtoi Trump, "është se Kina ka rënë dakord të hapet për biznesin amerikan."
Trump tha se SHBA-të e kanë “hapur” biznesin e tyre për importet kineze, por Kina nuk kishte bërë të njëjtën gjë për bizneset amerikane.
"Kjo nuk kishte kurrë kuptim. Nuk është e drejtë”, tha ai, duke shtuar “ne nuk duam ta dëmtojmë Kinën".
Trump vazhdoi duke thënë se administrata e tij bëri një "marrëveshje të shkëlqyer tregtare" me Kinën, e cila "fillimisht ishte shumë më e madhe, por e anuluan atë në minutën e fundit".
SHBA-të do të vazhdojë të aplikojnë një tarifë prej 30% për produktet kineze, ndërsa produktet amerikane përballen me një tarifë prej 10% ndaj Kinës për 90 ditë, si pjesë e marrëveshjes së arritur midis dy vendeve.
“Parandalova një konflikt bërthamor midis Indisë dhe Pakistanit"
Ndërkohë, Donald Trump tha sot se kishte parandaluar një "konflikt bërthamor" midis Indisë dhe Pakistanit, dy ditë pas armëpushimit, i cili i dha fund përballjes më serioze ushtarake midis dy vendeve fqinje në dy dekada.
"Ne parandaluam një konflikt bërthamor." "Mendoj se kjo mund të jetë një luftë e keqe bërthamore, miliona njerëz mund të vdesin, kështu që jam shumë krenar për këtë", tha presidenti amerikan nga Shtëpia e Bardhë.
Përveç kësaj, Trump tha se SHBA-të janë të gatshme të ndihmojnë Indinë dhe Pakistanin, pas marrëveshjes së armëpushimit, të cilën ai thotë se administrata e tij ndihmoi në arritjen e saj.
Tregtia është një arsye kryesore pse ata ndaluan armiqësitë, tha Trump gjatë një aktiviteti në Shtëpinë e Bardhë.
Lini një Përgjigje