
Reshjet e dëborës kanë përfshirë qarkun e Shkodrës. Drejtoria e Rajonit Verior në Shkodër, bën me dije se akset rrugore që mbulon kjo drejtori janë të qarkullueshme.
Ndërsa qarkullimi i automjeteve në zonat malore duhet të kryhet me goma dimërore.
Sipas kësaj drejtorie, në Bashkinë Shkodër ka pasur rrëshqitje dherash në aksin që lidh Thethin me Nderlysen. Në Bashkinë Malësi e Madhe, Vau Dejës, Fushë Arrëz, nuk raportohen probleme.
Në akset e Lotit 1, Hani i Hotit-Tamarë, Tamarë-Vermosh dhe Bogë-Theth, gjatë natës ka pasur reshje dëbore me intensitet të ulët. Rrugët janë të pastruara dhe të kriposura, ndërsa qarkullimi kryhet pa probleme.
Lini një Përgjigje