FLASH
Shkruar nga Pamfleti
Në GJKKO u mbajt sot seanca e radhës për Gërdecin, e cila është shoqëruar me debate të forta mes ish-ministrit të Mbrojtjes, Fatmir Mediut dhe familjarëve të viktimave të Gërdecit.
Në seancë ishte e pranishme edhe Zamira Durda, e cila ka ndërhyrë në një moment në dialogun mes Mediut dhe Rezart Tërshana, ish -shef sektori në Drejtorinë Juridike në Ministrinë e Mbrojtjes. Durda humbi djalin në tragjedinë e 15 marsit 2008. Ja disa prej diskutimeve brenda në seancë.
Debati gjatë seancës:
Mediu: Çfarë raportesh ke patur me mua?
Tërshana: Marrëdhënie pune, asgjë tjetër
Mediu: Çështje fitimi ka qenë demontimi?
Tërshana: Jo, ka qenë çështje sigurie
Mediu: E mbani mend urdhrin 2044?
Tërshana: Jo
Durda: Lërini urdhrat 2044, po flisni për pasojat e Gërdecit (me tone të larta)
Avokati Visha pyet Tërshanën: Cili nga ministrat ka qenë më korrekti sipas jush?
Tërshana: Mediu është njëshi
Durda: Njëshi është se ka vrarë njerëz
Gjyqtarja Irena Gjoka : Mbani qetësi
Lini një Përgjigje