FLASH
Shkruar nga Pamfleti
Seanca paraprake e rradhës për dosjen Partizani, ku të pandehur janë ish-Kryeministri Sali Berisha dhe dhëndri i tij, Jamarbër Malltezi, do të zhvillohet në 5 shkurt, ora 09:00.
Edhe sot GJKKO nuk ka mundur të marrë një vendim nëse dosja e SPAK për aferën Partizani duhet të kalojë për gjykim, duhet të kthehet në Prokurori për hetime të mëtejshme, apo duhet të pushohet.
Në seancën e sotme në GJKKO u paraqitën argumentet nga avokatët mbrojtës të Jamarbër Malltezit, që ashtu si ish-Kryeministri Sali Berisha, kërkuan pushimin e çështjes për mungesë faktesh dhe provash.
Në seancën e 5 shkurtit pritet që të paraqesin mbrojtjen e tyre 3 të pandehurit e tjerë, biznesmeni Fatmir Bektashi, Xhimi Begeja dhe Andia Pustina.
SPAK ka kërkuar që çështja të kalojë për gjykim, ndërkohë që avokatët e Berishës dhe Malltezit kanë kërkuar pushimin e çështjes.
Ende nuk dihet se kur GJKKO mund të marrë një vendim se çfarë do të bëhet me dosjen “Partizani” për të cilën ish-Kryeministri Sali Berisha qëndroi për gati 1 vit në arrest shtëpie, ndërsa dhëndri i tij Jamarbër Malltezi, pasi qëndroi disa javë në paraburgim, vijon të jetë në masën e sigurisë ‘arrest shtëpie’.
Ndaj Berishës është ngritur akuza e korrupsionit pasiv, ndërsa Malltezi akuzohet për korrupsion aktiv, pastrim parash dhe fshehje pasurie.
Lini një Përgjigje