FLASH
Shkruar nga Pamfleti
Detyrim Paraqitje është masa e sigurisë për 7 pedagogë të Universitet të Elbasanit të cilët akuzohen për korrupsion.
Denoncimi i studenteve ka sjellë edhe hetimin e pedagogeve të Ciklit të Ulët të cilët merrnin para në këmbim të kalimit të provimit.
Gjithashtu, së bashku me ta është në hetim edhe sekseri mes studentëve dhe pedagogëve.
7 pedagogë janë lënë me masë sigurie detyrim paraqitje dhe janë pezulluar nga puna në Universitetin Aleksandër Xhuvani të Elbasanit.
Me urdhër të prokurorit të këtij qyteti, 7 pedagogët e Shkencave të Edukimit akuzohen për korrupsion dhe ndaj tyre është marrë masa detyrim paraqitje, teksa universiteti i ka pezulluar nga detyra.
Bëhet fjalë për pedagogët
1. Ornela Bilali, Lënda: Arti dhe krijimtaria në fëmijërinë e hershme.
2. Zyhra Gripshi, Lënda: Puna me familjen dhe komunitetin.
3. Adrian Shingjergji, Lënda: Edukimi motorrik dhe lojërat lëvizore.
4. Beatriçe Gani, Lënda: Të mësuarit nëpërmjet lojës.
5. Edlira Gugu, Lënda: Letërsi për fëmijë.
6. Florinda Tarusha, Lënda: Filozofi e edukimit.
7. Monika Hodaj, Lënda: Edukim gjinor ne fëmijërinë e hershme.
Ndërkohë lidhja mes pedagogëve dhe studentëve dyshohet se kryhej nga shtetasi Gazmend Hodaj, i cili luante rolin e sekserit.
Hetimet mësohet se kishin disa muaj që kishin nisur, përkatësisht gjatë sezonit të vjeshtës. Kanë qenë studentët ata të cilët kanë denoncuar marrjen e ryshfetit përkundër notës kaluese.
Këtë të premte në ambientet e universitetit të Elbasanit kanë qenë prokurorët dhe punonjësit e policisë, të cilët kanë sekuestruar dokumentacionin që mund t'i shërbejë hetimit.
Policia nuk ka dhënë ende një njoftim zyrtar për këtë rast, ndërsa pedagogët nën hetim janë pezulluar nga detyra.
Lini një Përgjigje