FLASH
Shkruar nga Pamfleti
Reshjet e dëborës kanë mbuluar vendin, ku trashësia ka arritur deri në 50 centimetër. Janë hasur vështirësi në qarkullimin e mjeteve në disa prej qyteteve si: Dibër, Pukë, Kukës, Shkodër, Korçë.
Shefi i Sektorit të Qarkullimit Rrugor Kreshnik Skëndo, tha se janë raportuar aksidente me dëme materiale, ndërsa bëri apel që drejtuesit e mjeteve të tregojnë kujdes.
Ai thekson se në Dardhë dhe Voskopojë kalohet vetëm me zinxhirë dhe goma dimërore.
Akset më të rrezikshme janë Qafë Thana, Qafë Plloça dhe Qafa e Qarrit.
“Faleminderit që ju përgjigjët thirrjes së Policisë Rrugore për t’u bërë me dije drejtuesve të mjeteve në këtë situatë të pazakontë në qarkun e Korçës. Gjithë qarku i Korçës është përfshirë nga reshje me intensive të lartë dëbore dhe për fatin e mirë deri në këto momente nuk kemi pasur dëme, përveç disa aksidenteve të vogla me dëme materiale. Dua të bëj një thirrje për drejtuesit e mjeteve të përdorin goma dimërore , zinxhirë për të udhëtuar , të ecin ngadalë e me shumë kujdes dhe të evitojnë lëvizjet jo të domosdoshme në këtë mot të keq. Po ashtu të mos përdorin celularin e aq më tepër pijet alkoolike.
Nga akset më të rrezikshme janë Qafë Thana, Qafë Plloça dhe Qafa e Qarrit, të tjerat paraqesin një rrezikshmëri pak më të ulët por jo se nuk janë të rrezikshme. Firmat kontraktore janë të gjitha në punë, mjetet vazhdojnë të qarkullojnë dhe nuk ka pasur bllokime në asnjë aks rrugor të qarkut të Korçës. Duhet të përmend Dardhën dhe Voskopojën që ka pushues që e frekuentojnë, kalohet vetëm me zinxhirë dhe me goma dimërore.
Gjithë sektori i policisë rrugore është 100% në punë dhe do të punojmë me orare të zgjatura deri në kalimin e kësaj situatë të motit të keq”, tha Skëndo.
Lini një Përgjigje